06/11/2023Mark Twainek honela esan ohi zuen: “Bizirik dagoen gizakia prest dago edozein unetan hiltzeko”. Bizitza ustekabeko momentuz beteta dago, eta ezinbestekoa da une bakoitza besarkatzea. Horren adibide garbia da Patxi.
Espiritu haustezina
Patxik 76 urte ditu, eta bete-betean bizitzearen adibide da. Lagunek “ero” deitzen diote maitasunez, eta helburu berri bat ezarri eta betetzen du urtero. Tenisean jokatuz edo bere klubarekin bizikletan ibiliz, poza eta zoriona aurkitzen ditu une bakoitzean Patxik.
Behin, errepidean izandako istripu baten ondorioz, hiru hilabetean egon behar izan zuen geldirik. Prest zegoenez, bere errekuperazioan zentratu ahal izan zuen, beste ezertaz arduratu gabe. Horri esker, ahal bezain laster itzuli zen bere bizimodu aktibora.
Abentura-laguna
Ez dago bakarrik bere bidaian. Amona Juani, bere emaztea, familiaren zutabea da. Finantza-ikuspegi zorrotza du Juanik, eta planifikatzearen garrantzia azpimarratu du beti. “Gauzak lotuta eta ondo lotuta utzi” da bere leloa. Elkarrekin nabigatu dute bizitzan, familia zainduta dagoela ziurtatuz, ez bakarrik termino emozionaletan, baita praktikoetan ere.
Bizitzari buruzko gogoetak
Oliver Sacks-ek honela esan zuen hil aurretik: “Nire baitan nagusi den sentimendua esker onekoa da. Maite izan dut eta maitatua izan naiz, asko jaso dut eta, trukean, ahal izan dudana eman dut”. Sacks bezala, Patxi eta Juani ere bat datoz esker oneko sentimendu horretan; ahalik eta gehien aprobetxatzen dute egun bakoitza, etorkizunak ekar dezakeena alde batera utzita.
Lagun isila: Aseguruaren babesa
Aseguru-artekari gisa, Patxiri eta Juaniri beren bidaian laguntzeko pribilegioa izan dugu urteetan zehar. Haien bizitzako etapa bakoitzean, elkarrekin aztertu ditugu haien beharrak, eta irtenbide egokien babesa zutela ziurtatu dugu. Bizi eta istripu aseguruek une kritikoetan estalita zeudela jakitearen lasaitasuna eman zieten, eta Heriotza aseguruek, berriz, beraiek falta direnean familia zainduta egongo dela ziurtatu diete.
Bizitzeko grinaz eta babes egokiarekin bete-betean eta damurik gabe bizi daitekeela erakusten duen testigantza da Patxiren eta Juaniren bidaia. Eta horixe da, hain zuzen ere, gure bezero guztientzat bilatzen duguna: bete-betean bizitako bizitza, bideko urrats bakoitzean babestuta daudela ziurtatuta.
